ભુજઃ માતાના મઢમાં આસો મહિનાના નવરાત્રિના દિવસોમાં મંગળવાર સુધીમાં છ લાખથી વધુ ભક્તોએ માતાજીનાં દર્શન કર્યાં હતાં. બીજી તરફ કચ્છની એક દિવસીય મુલાકાતે આવેલા મુખ્યમંત્રી ભૂપેન્દ્ર પટેલે શુક્રવારે બપોરે મા આશાપુરા માતાજી સમક્ષ શિશ ઝુકાવ્યું હતું. માતાના મઢમાં ગુરુવારે વહેલી સવારથી મોટી સંખ્યામાં માઇભક્તોએ મા આશાપુરાનાં દર્શન માટે લાંબી કતાર લગાવી હતી. એકસાથે મોટા પ્રમાણમાં ભક્તોના ધસારાથી અવ્યવસ્થા સર્જાઈ હતી.
