કેશોદઃ તહેવાર અને સામાન્ય દિવસોમાં જૂનાગઢ, સોમનાથ સહિત સૌરાષ્ટ્રમાં મોટી સંખ્યામાં પ્રવાસીઓ ધસારો કરતા હોય છે, જેના માટે પ્રવાસીઓએ રોડ અથવા તો ટ્રેન વ્યવહારનો ઉપયોગ કરવો પડતો હોય છે. જો કે હવે પ્રવાસીઓને અમદાવાદથી હવાઈ સુવિધા પણ મળી રહેશે. 29 ઓક્ટોબરથી અમદાવાદ-કેશોદ ફ્લાઇટનો પ્રારંભ થવા જઈ રહ્યો છે. અમદાવાદ-કેશોદ-દીવની આ ફ્લાઇટ દર રવિવાર, સોમવાર, બુધવાર અને શુક્રવારે કાર્યરત્ રહેશે.
અમદાવાદથી કેશોદ માટે આ ફ્લાઇટ સવારે 10:55 મિનિટે ઊપડશે, જે સવારે 11:20 વાગ્યે કેશોદ પહોંચશે. ત્યારબાદ આ ફ્લાઇટ કેશોદથી દીવ માટે રવાના થશે.
