જૈન સાધ્વીઓને હુમલાથી બચાવનારા વેપારીનું સન્માન

અંકલેશ્વરઃ ભરૂચના દેરોલ ગામના પાટિયા પાસે વિહાર કરી રહેલી 6 સાધ્વી મહારાજ પર હુમલાની ઘટના બની હતી. આ સમયે ત્યાંથી પસાર થતા એક શાકભાજીના વેપારીએ હુમલાખોરનો સામનો કરી જૈન સાધ્વીઓને બચાવ્યાં હતાં. આ શાકભાજીના વેપારીઓનું જૈન ધર્મ ફંડ પેઢી, શ્રીમાળી પોળ તરફથી સન્માન કરાયું હતું.
સવારે 4 વાગ્યે દેરોલ તરફ વિહાર કરવા નીકળેલાં 6 જૈન સાધ્વીનો મહંમદપુરથી એક ઇસમે પીછો કર્યો હતો. આ ઇસમ નજીક આવતાં જૈન સાધ્વીએતેને દૂર રહેવા જણાવ્યું હતું, આમ ઉશ્કેરાયેલા ઇસમ કમરપટ્ટાથી જૈન સાધ્વીઓ પર હુમલો કરી માર મારવા લાગ્યો હતો. આ સમયે શાકભાજી ખરીદવા ટેમ્પો લઈને નીકળેલો યુવક સાધ્વીઓને બચાવવા વચ્ચે પડ્યો હતો.