ટાઈગરની નવી ગર્લફ્રેન્ડનું નામ પણ દિશા

દિશા પટણીએ ટાઈગર શ્રોફ સાથે બ્રેક અપ બાદ એલેક્ઝાન્ડર એલિક્ સાથે રિલેશનશિપમાં હોવાનું થોડા દિવસો પહેલાં જાહેર કર્યું હતું. હવે વાયરો વાત લાવ્યો છે કે ટાઈગરે પણ ગર્લફ્રેન્ડ શોધી લીધી છે અને તેનું નામ પણ દિશા છે! આ અહેવાલ  બાદ ચાહકોએ કોમેન્ટ કરી હતી કે ટાઈગરે નવી ગર્લફ્રેન્ડ દિશા નામની જ શોધી છે તેનો મતલબ એ કે ટાઈગરના દિલમાં હજુ પણ દિશા પટણી વસે છે. ચર્ચા અનુસાર ટાઈગર હાલ એક પ્રોડક્શન કંપનીમાં સિનિયર એક્ઝિક્યુટિવ તરીકે ફરજ બજાવતી દિશા ધાનુકાને ડેટ કરે છે. બંને છેલ્લા કેટલાય મહિનાથી સાથે છે. ટાઈગરના પરિવારને પણ આ સંબંધની જાણ હોવાનું કહેવાય છે.  જોકે, વાત ફેલાયા બાદ ટાઈગરે બોલિવૂડ સ્ટાઈલમાં રદિયો આપતા દાવો કર્યો હતો કે તે બે વર્ષથી સિંગલ છે. તો દિશા ધાનુકાએ અફવાઓ અંગે કોઈ પ્રતિભાવ આપ્યો નથી. ઉલ્લેખનીય છે કે દિશા પટણી અને ટાઈગર છ વર્ષ સુધી રિલેશનશિપમાં હતાં. જોકે, તત્કાળ લગ્નના દિશાના આગ્રહને કારણે રિલેશનશિપનો અંત આવ્યો હતો. થોડા દિવસો પહેલાં જ દિશા પટણીએ એક વીડિયોમાં એલેક્ઝાન્ડરની ઓળખ બોયફ્રેન્ડ તરીકે આપી હતી.