શિલ્પા શેટ્ટી અને રાજ કુન્દ્રા લોકડાઉનમાં ટિકટોક પર મજેદાર વીડિયોઝ બનાવી રહ્યાં છે. હવે આ એક્ટ્રેસે તેનો એક નવો વીડિયો શેર કર્યો છે. જેમાં શિલ્પા તેનો વોર્ડરોબ સેટ કરતી જોવા મળે છે. આ સમયે રાજ તેને કિસ કરે છે. એ પછી શિલ્પા રાજને કહે છે કે, જુઓ, કામ કરતા સમયે કિસ ના કરો. શિલ્પાએ આમ કહેતા જ તેમની મેઇડ કહે છે કે, હા, મેડમ જી તેમને સારી રીતે સમજાવો. હું તો બોલી બોલીને થાકી ગઈ. આ સાંભળતા જ શિલ્પા રાજને મારવા લાગે છે. આ વીડિયોમાં મેઇડનો રોલ પણ શિલ્પાએ જ કર્યો છે. આ વીડિયોને શેર કરતી વખતે શિલ્પાએ લખ્યું હતું કે, નજર હટી, દુર્ઘટના ઘટી, સચ્ચાઈ પતા ચલને પર, પિટ ગએ હમારે પતિ.
