પોરબંદરઃ મૂળ પોરબંદરમાં આવેલી દુલીપ સ્કૂલ ખાતે ક્રિકેટ શીખેલા અને અન્ડર - ૧૬, અન્ડર - ૧૯ સહિત સૌરાષ્ટ્રની ક્રિકેટ ટીમમાં સારો દેખાવ કરનારા ક્રિકેટર અજય છેલ્લા ૧૦ વર્ષથી ઓમાનમાં સ્થાયી થયા છે. આ યુવા ક્રિકેટરને પાંચમી એપ્રિલે રાત્રે ઓમાનના ક્રિકેટ બોર્ડે કેપ્ટન તરીકે જાહેર કરાયા હતા.
ઓમાનની અલ તુર્કી એન્ટરપ્રાઈઝ કંપનીમાં શિપિંગ લોજિસ્ટિક ડિપાર્ટમેન્ટમાં ફરજ બજાવતા આ ક્રિકેટર કંપની ઉપરાંત ઓમાનની નેશનલ ટીમમાં પસંદગી પામીને ઓલ રાઉન્ડર તરીકે સારું પ્રદર્શન દાખવી ચૂકયા છે.
