હનુમાનજીને એક કિલો સોનાનાં વાઘા અર્પણ

રાજકોટઃ શહેરના પ્રસિધ્ધ બાલાજી હનુમાનને હનુમાન જયંતીના દિને અંદાજે રૂ. ૩૧ લાખના ખર્ચે એક કિલો સોનામાંથી તૈયાર કરાયેલા વાઘા અર્પણ કરાયા હતાં. સાત મહિનાના અથાગ પરિશ્રમ બાદ તૈયાર થયેલા સુવર્ણવસ્ત્રો હીરા જડિત છે. આ સુવર્ણમય હનુમાનજી દર્શન કરવા ભક્તોની ભારે ભીડ જામી હતી. રાજકોટના હનુમાનજીના ભક્ત સોની પરિવારના પ્રશાંત કિરીટભાઈ પારડીયાએ એક કિલો સોનાના દાનનો સંકલ્પ પૂર્ણ કરી વાઘા અર્પણ કર્યા હતાં.