ટ્રાફલગર સ્ક્વેર ખાતે ઇદની ઉજવણી કરાઇ

લંડનઃ લંડનના ટ્રાફલગર સ્ક્વેર ખાતે સપ્તાહાંતમાં ઇદની ઉજવણી કરાઇ હતી જેમાં લંડનના મેયર સાદિક ખાન પણ હાજર રહ્યાં હતાં. 19 વાર્ષિક ઇદ મહોત્સવ ખાતે સાદિક ખાને અમેરિકાના પૂર્વ પ્રમુખ ડોનાલ્ડ ટ્રમ્પ પર કટાક્ષ કરતાં જણાવ્યું હતું કે, હું સેલ્ફી લઇને ટ્રમ્પને મોકલવાનો છું. હું તેમને કહીશ કે જુઓ અમે કેવી રીતે લંડનનો વહીવટ કરીએ છીએ. હું તેમને આપણી વૈવિધ્યતા આપણી શક્તિ છે તે બતાવવા માગુ છું.