મહિલાની છેડતી કરનારા આધેડને પાંચ વર્ષની કેદ

લંડનઃ એક મહિલાની છેલ્લા એક દાયકાથી છેડતી કરનારા 54 વર્ષીય શાહીન ચિશ્તીને પાંચ વર્ષની કેદ ફટકારવામાં આવી છે. ચિશ્તી મહિલાની છેડતીની સાથે સાથે તેના પરિવારની પણ હેરાનગતિ કરતો હતો. 2016માં નોકરીના સ્થળે મુલાકાત થયા પછી શાહીન આ મહિલાને ઇમેલ અને સોશિયલ મીડિયા દ્વારા સેક્સ્યુઅલી પરેશાન કરતો હતો. મહિલાએ પોલીસને ફરિયાદ કરતા પોલીસે તેને ચેતવણી આપીને જવા દીધો હતો પરંતુ તેણે મહિલાની હેરાનગતિ અને ધમકીઓ આપવાનું ચાલુ રાખતાં પોલીસે ધરપકડ કરી હતી.