શ્રુતિનું સરપ્રાઇઝ સ્ટેજ પરફોર્મન્સ... લોકો ખુશ

કમલ હાસનની પુત્રી શ્રુતિ હાસને હજુ સુધી બોલિવૂડમાં ધારી સફળતા હાંસલ કરી નથી. આમ છતાં તે કોઇને કોઇ કારણસર લાઈમલાઈટમાં રહેતી હોય છે. હાલ તે પોતાની આંતરરાષ્ટ્રીય ફિલ્મ ‘ધ આઈ’ના શુટિંગ માટે બ્રિટનમાં છે. તાજેતરમાં શૂટિંગ પૂર્ણ થયા બાદ મોડી સાંજે શ્રુતિ પોતાના યુનિટના સભ્યો સાથે લંડનની જાણીતી લૂઈ રેસ્ટોરાંમાં ગઇ હતી. ત્યાંના સ્થાનિક બેન્ડ દ્વારા સંગીતનો પ્રોગ્રામ ચાલુ હતો. તે વખતે શ્રુતિ અચાનક જ સ્ટેજ પર પહોંચી ગઈ અને પરફોર્મ કરીને લોકોના દિલ જીતી લીધા, પાછળથી તે કોણ છે તેની લોકોને ખબર પડી એટલે લોકોએ ગીત ગાવાનું કહ્યું અને શ્રુતિએ ગીત ગાઈને મનોરંજન પૂરું પાડ્યું હતું.