રાજકોટઃ મનપાના તત્કાલીન ટાઉન પ્લાનિંગ ઓફિસર મનસુખ સાગઠિયાનું વધુ એક કારસ્તાન સામે આવ્યું છે. સાગઠિયા હાલ જેલમાં છે, ત્યારે મવડીમાં બાપા સીતારામ ચોક પાસે શ્રીહરિ સોસાયટી શેરી નંબર-16માં આવેલી જયકિશન સ્કૂલનું નવું બિલ્ડિંગ ગેરકાયદે ધમધમતું હોવાનું સામે આવ્યું છે. સાગઠિયાએ સ્કૂલનું બાંધકામ તોડવા નોટિસ આપી હતી, જો કે તે બાદ દોઢ વર્ષથી કોઈ કાર્યવાહી જ કરાઈ નહોતી.
અહીં 600 જેટલા વિદ્યાર્થી અભ્યાસ કરતા હોવાથી તેમના જીવ જોખમમાં છે. આ સ્થિતિને જોતાં સ્કૂલમાં નળ કનેક્શન અને વીજ કનેક્શન કાપવામાં આવશે. આ ઉપરાંત શિક્ષણકાર્ય બંધ કરાવી બિલ્ડિંગ ડિમોલિશન કરાશે.
