સુરતઃ અષાઢી બીજના શુભ દિવસથી સુરત ડાયમંડ બુર્સમાં એકસાથે 250થી વધુ ઓફિસ શરૂ કરવામાં આવી છે. હીરાઉદ્યોગમાં મંદીને કારણે સુરત ડાયમંડ બુર્સ ઝડપથી ધમધમતું થઈ શક્યું નથી. જો કે બજારમાં તેજી આવવા સાથે એસડીબીમાં એક પછી એક ઓફિસો ખૂલવા માંડશે. દિવાળી સુધીમાં એસડીબીમાં 1,000 ઓફિસ શરૂ કરવાની નેમ છે. બીજી બાજુ એસડીબીમાં નાના વેપારી અને દલાલો માટે પણ વિશેષ વ્યવસ્થા કરાઈ છે. તેઓ માટે એસડીબીના હોલમાં 50 ફૂટની કેબિન તેમજ ફક્ત ટેબલ મૂકી વેપાર કરી શકાય તે પ્રકારની સુવિધા પૂરી પાડવામાં આવશે.
