રાજકોટ: ટીમ ઇન્ડિયાના સ્ટાર ક્રિકેટર રવીન્દ્ર જાડેજાએ ભાજપમાં જોડાઈ પાર્ટીની સદસ્યતા ગ્રહણ કરી લીધી છે. તેમનાં પત્ની રિવાબાએ સોશિયલ મીડિયા પર નવા મેમ્બર તરીકે તેમનો ફોટો શેર કરતાં આ વાતની જાણકારી આપી છે. રવીન્દ્ર જાડેજાનાં પત્ની રિવાબા પહેલેથી ભાજપમાં છે અને જામનગર નોર્થ સીટથી ધારાસભ્ય પણ છે. જ્યારે તેમનાં બહેન નયનાબા કોંગ્રેસમાં છે. વિધાનસભા ચૂંટણી દરમિયાન જાડેજા પત્ની સાથે દેખાયા હતા. તેમણે કેટલાય રોડ-શોમાં ભાગ પણ લીધો હતો.
