ગાંધીનગરઃ ગુજરાત વિધાનસભાની 5 બેઠક માટેની પેટાચૂંટણીમાં વિજેતા બનેલા ભાજપના પાંચેય ધારાસભ્યોને વિધાનસભા અધ્યક્ષ શંકર ચૌધરીએ મંગળવારે શપથ લેવડાવ્યા. પોરબંદરથી અર્જુન મોઢવાડિયા, વિજાપુર બેઠકથી સી. જે. ચાવડા, વાઘોડિયાથી ધર્મેન્દ્રસિંહ વાઘેલા, માણાવદર બેઠક પર ભાજપના ઉમેદવાર અરવિંદ લાડાણી અને ખંભાત બેઠક પર ભાજપના ઉમેદવાર ચિરાગ પટેલનો વિજય થયો છે. આ સાથે જ હવે વિધાનસભાની કુલ 182 બેઠકોમાં ભાજપનું સંખ્યાબળ 161 થઈ ચૂક્યું છે.
