વોશિંગ્ટનઃ સેન્ટર ફોર વર્લ્ડ યુનિવર્સિટી રેન્કિંગે 2024ના વર્ષની વિશ્વની 2000 શ્રેષ્ઠ શિક્ષણ સંસ્થાઓની યાદી જાહેર કરી છે. આ લિસ્ટમાં વિશ્વની શ્રેષ્ઠ શિક્ષણ સંસ્થામાં અમેરિકામાં આવેલી હાર્વર્ડ યુનિવર્સિટી ટોચના સ્થાને છે, તેભારતમાં આઇઆઇએમ-અમદાવાદને શ્રેષ્ઠ શિક્ષણ સંસ્થાનો દરજ્જો અપાયો છે.
વર્લ્ડ રેન્કિગમાં આઇઆઇએમ-અમદાવાદ 410મા ક્રમે છે. 2023ના રેન્કિંગમાં તે 419મા ક્રમે હતી. આ લિસ્ટમાં ભારતની 64 શિક્ષણ સંસ્થા સામેલ છે. આ વર્ષે 32 ભારતીય શિક્ષણ સંસ્થાઓનું રેન્કિંગ સુધર્યું હતું, જ્યારે 33 યુનિવર્સિટીનું રેન્કિંગ કથળ્યું હતું.
