કડીઃ જાસલપુર ગામની સીમમાં સ્ટીલ ઇનોક્સ સ્ટેઇન લેસ પ્રા.લિ.માં શનિવારે બપોરે 12 વાગ્યાની આસપાસ હોનારત બનતાં સમગ્ર વિસ્તારમાં અરેરાટી વ્યાપી હતી. ખાનગી કંપનીની અંદર ચાલતા ચણતર કામ દરમિયાન અચાનક જ માટીની ભેખડ ધસી પડતાં 10 શ્રમિક દટાયા હતા, જે પૈકી 18 વર્ષના યુવકનો બચાવ થયો હતો. જ્યારે 9 શ્રમિક અંદર જ દટાઈ ગયા હતા. જે તમામના મૃતદેહ બહાર કાઢી કડીની કુંડાળ હોસ્પિટલમાં પોસ્ટમોર્ટમ અર્થે ખસેડવામાં આવ્યા હતા.
