અમદાવાદઃ ગુજરાત સહિત દેશમાં દશેરાની ઉજવણી થઈ. તમામ કાર્યો માટે શુભ ગણાતા દશેરાના તહેવારે દેશભરમાં લાખો વાહનોનું વેચાણ થયું. આ વણજોયેલા મુહૂર્ત પર ગુજરાતી દ્વારા રૂ. 900 કરોડનાં ટુ-વ્હીલર અને રૂ. 2100 કરોડનાં ફોર વ્હીલરની ખરીદી કરવામાં આવી. વાહનોની આ ખરીદી પૈકી અમદાવાદીઓએ જ રૂ. 500 કરોડથી વધુનાં વાહનો ખરીદ્યાં છે. દશેરાએ પહેલાના જમાનામાં વાહન તરીકે ઘોડાની પૂજા થતી હતી, આજના યુગમાં લોકો વાહનોની પૂજા કરી તેની ખરીદી કરે છે.
