રાજકોટઃ ગોંડલ નાગરિક બેન્કની હાઇવોલ્ટેજ ડ્રામા સમાન ચૂંટણીનું પરિણામ સોમવારે 16 સપ્ટેમ્બરે જાહેર થતાં ભાજપ પ્રેરિત પેનલના તમામ 11 ઉમેદવારોનો જ્વલંત વિજય થયો છે. ભાજપની પેનલનો જયજયકાર થતાં સમર્થકોએ વિજયને વધાવ્યો હતો. આ 11 ઉમેદવાર પૈકી જૂનાગઢ જેલમાં બંધ જ્યોતિરાદિત્યસિંહ એટલે કે ધારાસભ્ય ગીતાબાના પુત્ર ગણેશ જાડેજાનો વિજય થતાં ગુજરાતના સહકારી ક્ષેત્રમાં જેલમાં રહી ચૂંટણી જીતવાની પ્રથમ ઘટના બની છે. આમ રાજકીય ક્ષેત્રે જેલમાં રહીને ગણેશ જાડેજાનું લોન્ચિંગ થયું છે. જેલમાં હોવા છતાં જીત મેળવી તેમણે નવો રાજકીય ઇતિહાસ સર્જ્યો છે.
