ગાંધીનગરઃ ગુજરાતનાં પૂર્વ રાજ્યપાલ ડો. કમલા બેનિવાલ 97 વર્ષની વયે ટૂંકી બીમારી બાદ અવસાન પામ્યાં છે. સ્વાસ્થ્યને લગતી તકલીફો જણાતાં તેમને જયપુરની હોસ્પિટલમાં દાખલ કરાયાં હતાં, જ્યાં સારવાર દરમિયાન તેમનું નિધન થયું હતું. ગુજરાત ઉપરાંત તેઓ ત્રિપુરા અને મિઝોરમનાં રાજ્યપાલ પણ રહી ચૂક્યાં છે. 7 વખત ધારાસભ્ય તરીકે ચૂંટાયેલાં કમલાજી રાજસ્થાનનાં નાયબ મુખ્યમંત્રી પણ રહ્યાં હતાં. વર્ષોથી કોંગ્રેસ સાથે તેઓ જોડાયેલાં રહ્યાં. તેઓ સ્વતંત્રતા સંગ્રામમાં પણ ભૂમિકા ભજવી ચૂક્યાં છે.
