દ્વારકામાં કૃષ્ણ જન્મોત્સવની ભક્તો દ્વારા ધામધૂમથી ઉજવણી

પૂર્ણપુરુષોતમ ભગવાન શ્રીકૃષ્ણના જન્મદિનને વધાવવા માટે તેમની કર્મભૂમિ દ્વારકા નગરીએ સોળેશણગાર સજ્યા હતા. જન્માષ્ટમી નિમિત્તે દેશભરથી લાખોની સંખ્યામાં શ્રદ્ધાળુઓ ઉત્સાહભેર દ્વારકા પહોંચ્યા હતા. સોમવારે સવારથી જ નિત્યદર્શન સાથે મધરાતે 12 વાગ્યાના ટકોરે શ્રીકૃષ્ણ ભગવાનનો જન્મોત્સવ ઊજવવામાં આવ્યો. આ દરમિયાન ભક્તોનો ઉત્સાહ જોવાલાયક હતો.