અમદાવાદઃ દેશ-વિદેશના પ્રવાસીઓ માટે ગુજરાત હંમેશાં પસંદગીનું રાજ્ય બન્યું છે. રાજ્યમાં ગતવર્ષ 2023- 24માં કુલ 18.59 કરોડથી વધુ પ્રવાસીઓ ગુજરાતના મહેમાન બન્યા છે. સુરક્ષા અને શાંતિ માટે ઓળખાતા ગુજરાતની વર્ષ 2023-24 દરમિયાન કુલ 18.59 કરોડથી વધુ પ્રવાસીઓએ મુલાકાત લીધી હતી, જેમાં 23.43 લાખ વિદેશી પ્રવાસીઓનો સમાવેશ થાય છે. આ પ્રવાસીઓ પૈકી 11.38 કરોડથી વધુ પ્રવાસીઓએ એક દિવસ માટે, જ્યારે 7.21 કરોડથી વધુ પ્રવાસીઓએ રાત્રીરોકાણ કર્યું હતું. જે ગતવર્ષ 2022-23માં પ્રવાસીઓની સંખ્યા 14.98 કરોડ હતી, એટલે કે ગતવર્ષની સરખામણીએ વર્ષ 2023-24માં ગુજરાત આવતા પ્રવાસીઓની સંખ્યામાં 24.07 ટકા વધારો થયો છે.
