આજકાલ, કોરિયન ગ્લાસ સ્કીન મેળવવી એ એક ટ્રેન્ડ બની ગયો છે કારણ કે હવે ઘણી યુવતીઓ કોરિયન છોકરીઓની જેમ કાચ જેવી ગ્લોઇંગ સ્કીન મેળવવા માંગે છે. આઇસ વોટર ફેશિયલ જેવી બ્યુટી ટ્રીટમેન્ટથી ત્વચાને ચમકદાર બનાવી શકાય છે.
જોકે આઈસ વોટર ફેશિયલ કરવાની પદ્ધતિ સામાન્ય ફેશિયલ જેવી નથી. એ માટે એક મોટો બાઉલ લો, પછી તેમાં એક બાઉલ બરફનું પાણી લો અને તેમાં 4-5 બરફના ટુકડા ઉમેરો. પછી તમારા ચહેરાને તેમાં 30 સેકન્ડ માટે ડૂબાડો. પછી તમારા ચહેરાને નરમ રૂમાલથી લૂછી લો અને પછી જ્યારે તમારા ચહેરાનું તાપમાન સામાન્ય થઈ જાય ત્યારે તમારા ચહેરાને ફરી 30 સેકન્ડ માટે ફરીથી ડૂબાડો. તેનાથી તમારા ચહેરા પર ચમક આવશે.
આઈસ વોટર ફેશિયલ ચહેરાના છિદ્રોને ખોલવાનું કામ કરે છે. તે ત્વચાને ટાઈટ પણ કરે છે. તે આંખોની નજીકના સોજાને ઘટાડવામાં અને ચહેરાને તાજગીભર્યો દેખાવામાં મદદ કરે છે. તેના કારણે ચહેરાના રોમછિદ્રો સંકોચાઈ જાય છે, જેનાથી મેકઅપ કરવામાં સરળતા રહે છે. તે ચહેરાના રક્ત પરિભ્રમણને વધારવામાં મદદ કરે છે, ખીલની બળતરા અને વૃદ્ધત્વની અસર ઘટાડે છે.
અલબત્ત, આઈસ વોટર ફેશિયલ કરતા પહેલા કેટલીક બાબતોનું ધ્યાન રાખવું ખૂબ જ જરૂરી છે જેથી ત્વચા પર કોઈ નકારાત્મક અસર ન થાય. આઈસ વોટર ફેશિયલ કરતા પહેલાં તમારી ત્વચાને સારી રીતે સાફ કરો કારણ કે બરફના પાણીમાં ચહેરો ડૂબાડવાથી ત્વચાનાં છિદ્રો કડક થઈ જાય છે. આવી સ્થિતિમાં, જો ત્વચા પર પહેલાથી જ ગંદકી જમા થઈ ગઈ હોય, તો તે ત્વચાના છિદ્રોની અંદર જમા થઈ જશે. ચહેરો સાફ કરવા માટે માત્ર હૂંફાળા પાણીનો ઉપયોગ કરો. ચહેરાને સારી રીતે સાફ કર્યા પછી જ ઠંડા પાણીનો ઉપયોગ કરવો જોઈએ. તમારા ચહેરાને એક સમયે 30 સેકન્ડથી વધુ બરફના પાણીમાં ડૂબાડશો નહીં.
