મુંબઈ: વિશ્વ પ્રસિદ્ધ સિંગર સેલેના ગોમેઝે હવે ઈન્સ્ટા પર 40 કરોડ ફોલોઅર્સ ધરાવતી વિશ્વની પહેલી મહિલા બની છે. તાજેતરમાં અનેક વિવાદોમાં ચર્ચાના ચોતરે ચઢી હોવા છતાં તેની લોકપ્રિયતા યથાવત્ રહી છે અને તેણે આ માઈલસ્ટોનનો આંક વટાવ્યો છે. સેલેનાએ હજુ થોડા દિવસો પહેલાં જ વિશ્વની સૌથી વધુ ફોલોઅર્સ ધરાવતી મહિલા તરીકે કાયલી જેનરનો રેકોર્ડ તોડ્યો હતો. કાયલીના ત્યારે 38 કરોડ ફોલોઅર્સ હતા. સેલેના આ આંકને વટાવીને વિશ્વની સૌથી વધુ ફોલો થતી મહિલા બની હતી અને હવે તેણે 40 કરોડનો પણ માઈલસ્ટોન વટાવ્યો છે. જ્યારે કાયલી હાલ 38.20 કરોડ ફોલોઅર્સના આંકડા પર લગભગ સ્થિર છે. સેલેના આજકાલ ‘ધી સિક્સ ચેઇનસ્મોકર્સ’ના સ્ટાર ફૂ ટૈગગાર્ટ સાથે અફેરના કારણે ચર્ચામાં છે. બંને અનેક ઈવેન્ટસમાં તથા વેકેશન પર સાથે સાથે જોવા મળે છે. થોડા સમય પહેલાં ગોલ્ડન ગ્લોબ એવોર્ડઝની ઈવેન્ટમાં સેલેના થોડીક જોડી થઈ ગઈ હોવાનું નિહાળીને ચાહકોએ તેને બહુ ટ્રોલ પણ કરી હતી. જોકે, સેલેનાએ આ ટીકાઓને ગણકાર્યા વિના કબૂલ્યું હતું કે હા, હું થોડી સ્થૂળ જરૂર બની ગઈ છું.
