સામગ્રી: કાચી કેરી - બે નંગ • બૂરુ ખાંડ - પાંચ કપ • ઇલાયચી પાઉડર - એક ચમચી • કેસર - ચાર-પાંચ તાંતણા
રીત: બે કાચી કેરીને છાલ ઉતારીને બાફી નાંખો. કેરી બફાઇ ગયા બાદ તેમાંથી ગોટલી કાઢી નાંખો. મિક્સરમાં બાફેલી કેરીની સાથે પાંચ કપ બૂરુ ખાંડ નાખો. તેમાં આશરે છ કપ જેટલું પાણી નાંખીને તેને ક્રશ કરી લો. આ બધું જ ક્રશ કર્યા બાદ તેને એક બાઉલમાં કાઢી લો. ત્યારબાદ તેમાં એક ચમચી ઇલાયચી પાઉડર અને ચાર-પાંચ તાંતણા કેસરના નાંખો. મિશ્રણને એકદમ હલાવીને ગ્લાસમાં સર્વ કરો. જો ગ્લાસમાં શરબત ભર્યા બાદ વધારે ઘટ્ટ લાગતું હોય તો થોડું પાણી અને બરફ ઉમેરી શકો છો.
