મિથુનના પુત્ર નામાશીનું બોલિવૂડમાં પદાર્પણ

પીઢ અભિનેતા મિથુન ચક્રવર્તીનો નાનો પુત્ર નામાશી બોલિવૂડમાં પદાર્પણ કરવાનો છે. મિથુનનો મોટો પુત્ર મિમોહ ઉર્ફે મહાક્ષયે થોડાં વર્ષ પૂર્વે બોલિવૂડમાં પ્રવેશ કર્યો હતો ખરો, પરંતુ તેની ફિલ્મ `હોન્ટેડ' દર્શકોને થિયેટર સુધી ખેંચી લાવવામાં નિષ્ફળ પુરવાર થઈ હતી. મિથુનદા જેવા દેખાતા નામાશીને ‘મુલ્ક’ અને ‘રાવન’ના દિગ્દર્શક અનુભવ સિંહાએ પોતાની આગામી ફિલ્મ ‘આર્ટિકલ ૧૫’ માટે સાઇન કર્યો છે. આ ફિલ્મનું શૂટિંગ પહેલાં જ શરૂ થઈ ચૂક્યું છે. તેમાં આયુષ્યમાન ખુરાના પોલીસ અધિકારીનો રોલ ભજવે છે. જ્યારે ફિલ્મના અન્ય કલાકારોમાં ઇશા તલવાર, મનોજ પાહવા, સયાની ગુપ્તા, કુમુદ મિશ્રા અને મોહમ્મદ અયુબનો સમાવેશ થાય છે.