કંગના રાણાવત અભિનિત બહુ ચર્ચિત ફિલ્મ ‘ક્વીન’માં દેખાયેલી લીઝા હેડન અત્યારે અહીં યુકેમાં ધામા નાખ્યા છે. લીઝા અત્યારે લંડનના એક ખૂબ જ ધનવાન બિઝનેસમેન સાથે જોવા મળે છે. કહેવાય છે આ બિઝનેસમેનના વિશ્વના અનેક દેશોમાં ઘર છે અને તે લંડન, ઈન્ડિયા અને હોંગકોંગ વચ્ચે આવતો-જતો રહે છે. એવું પણ કહેવાય છે કે આ બિઝનેસમેનને અને લીઝા એકબીજાની ખૂબ જ નજીક છે. તેઓ તેમના આ સંબંધને નવું નામ આપવા ઇચ્છે છે. લીઝાએ આ સંબંધ અંગે ખૂલાસો કરતાં એટલું કહ્યું હતું કે, ‘મારા અંગત જીવનની ચર્ચા કરવાનું ટાળું છું, પરંતુ અમે હજી સગાઈ નથી કરી.’