કેટરિના માટે પ્રજ્ઞાચક્ષુ ફોટોગ્રાફરની કમાલ
કહેવાય છે કે, કેમેરા દ્વારા તસવીર લેવા માટે દૃષ્ટિ હોવી જરૂરી છે. પરંતુ એક અંધ ફોટોગ્રાફરે અનોખું કાર્યું કર્યું છે. ફોટોગ્રાફર ભાવેશ પટેલે ભારતીય ગ્લેમર વર્લ્ડની આકર્ષક અભિનેત્રી કેટરિના કૈફનું ફોટો શૂટ કર્યું છે. તેણે એક જાહેરાત માટે કેટની તસવીરો લીધી છે, જે એટલી સુંદર છે કે તેને દેખીને કોઇને પણ શંકા પડે નહીં કે નેત્રહીને આ ફોટોગ્રાફ્સ ક્લિક કર્યા છે.
આ વિજ્ઞાપનનો એક વીડિયો પણ લેવાયો છે. જેમાં ભાવેશે કહ્યું હતું કે, મને જ્યારે આ કંપનીએ પ્રથમવાર ફોટોશૂટ કરવા બોલાવ્યા ત્યારે મને પણ આશ્ચર્ય થયું હતું. મારા માટે આ બહુ મોટા સમ્માનની વાત હતી. અંધ હોવાથી મારી પાસે કોઇ ફોટોગ્રાફી કરાવે તેવી મને આશા નહોતી.
તેણે વધુમાં જણાવ્યું હતું કે, કેટરિનાના ફોટો જોઇને કોઇ વિશ્વાસ નહીં કરે કે તેને મેં પાડ્યા છે. અમારા ડાયરેકટરે પ્રસંશા કરતાં કહ્યું હતું કે, આ તસવીરો જોઇને એવું લાગે છે કે કોઇ દેખતા ફોટોગ્રાફરનું આ કામ છે. મારા માટે આ વાક્ય જ બહુ મોટી વાત હતી.
