‘આઇફા’માં સદાબહાર રેખાનું શાનદાર પર્ફોર્મન્સ

‘આઇફા’ ઈવેન્ટમાં રેખાએ આપેલા પર્ફોર્મન્સના અનેક ફોટો અને વીડિયો સોશિયલ મીડિયામાં વાઇરલ થયા છે. ક્લિપમાં જોઈ શકાય છે કે રેખા ‘તૌસે નૈના લગા કે...’ અને ‘અઠરા બરસ કી’ જેવા યાદગાર ગીતો પર નૃત્ય કરી રહી છે. ફેન્સને રેખાનો અંદાજ ખૂબ પસંદ પડ્યો છે. વીડિયો સોશિયલ મીડિયા પર છવાઈ ગયો. વીડિયોમાં રેખા બનારસી પિંક લહંગામાં જોવા મળે છે. બેકગ્રાઉન્ડમાં 150 ડાન્સર્સ સાથે તેણે હિટ ગીતો પર 22 મિનિટ ડાન્સ કર્યો હતો. ફેન્સ 69 વર્ષની વયે રેખાએ દર્શાવેલી કલાક્ષમતા પર ફિદા થઇ ગયા છે. બાદમાં રેખાએ કહ્યું હતું, ‘મારા હૃદયમાં ‘આઈફા’નું ખાસ સ્થાન છે. આ માત્ર ભારતીય સિનેમાનો ઉત્સવ નથી, પરંતુ એક ગ્લોબલ મંચ, કલા, સંસ્કૃતિનું મિશ્રણ છે.’