બાર્બાડોસઃ પાકિસ્તાનના ભૂતપૂર્વ કેપ્ટન ઝહિર અબ્બાસ ઇન્ટરનેશનલ ક્રિકેટ કાઉન્સિલ (આઇસીસી)ના પ્રમુખ બન્યા છે. અહીં યોજાયેલી ક્રિકેટજગતની સર્વોચ્ચ સંસ્થાની વાર્ષિક બેઠકમાં આ બાબત નક્કી થઈ છે.
ઝહિરે તેની એક વર્ષની મુદતની શરૂઆત કરી છે અને આઇસીસી બોર્ડ તથા સંપૂર્ણ કાઉન્સિલનો તેમને સમર્થન આપવા બદલ આભાર માન્યો હતો. તેમણે કહ્યું હતું કે આ મહાન રમતનું સંચાલન કરતી વડી સંસ્થાના પ્રમુખપદે વરણી થતા હું ખરેખર સન્માનની લાગણી અનુભવું છું. આ એ રમત છે કે જેણે આપણને આપણા દેશની સેવા કરવા માટે સન્માન, માન્યતા અને તક આપી છે. વ્યક્તિગત રીતે કહું તો આનાથી મને રમતને પાછું આપવાની તક મળી છે.
