ઈંગ્લેન્ડના બેટ્સમેનો ફરી વખત શ્રીલંકન સ્પિનરો સામે સંઘર્ષ કરતાં જોવા મળ્યા હતા. ૪૫-૪૫ ઓવરની મેચમાં ઈંગ્લેન્ડ માત્ર ૧૮૫ રનમાં જ ખખડી ગયું હતું. જવાબમાં શ્રીલંકાએ માત્ર ૩૪.૨ ઓવરમાં જ બે વિકેટે ૧૮૬ રન કરતાં મેચ જીતી લીધી હતી. આ સાથે શ્રીલંકાએ શ્રેણીમાં ૨-૦થી સરસાઇ મેળવી લીધી છે.
કોલંબોના આર. પ્રેમદાસા સ્ટેડિયમમાં રમાયેલી બીજી વન-ડેમાં ઈંગ્લેન્ડે ટોસ જીતીને પ્રથમ બેટીંગ પસંદ કરી હતી. વરસાદના વિઘ્નથી મેચ ૪૫-૪૫ ઓવરની રમાડાઇ હતી. રવિ બોપારાએ મિડલ ઓર્ડરમાં ધીરજપૂર્વક બેટીંગ કરતાં ૬૯ બોલમાં ૫૧ રન કર્યા હતા. શ્રીલંકા તરફથી અજંથા મેન્ડિસે ત્રણ અને દિલશાન તથા પ્રસાદે બે-બે વિકેટ ઝડપી હતી.
