ભારતનાં જેવલિન થ્રોઅર નીરજ ચોપરાએ હિમાની મોર નામની યુવતી સાથે લગ્ન કર્યા છે. 27 વર્ષીય નીરજે 25 વર્ષીય હિમાની મોર સાથે લગ્નનાં ત્રણ દિવસ બાદ આ જાહેરાત કરી હતી. નીરજના મામા ભીમે કહ્યું કે, લગ્ન ભારતમાં જ થયા હતા. બંને વિદેશમાં હનીમૂન માટે રવાના થયા છે. લગ્ન સમારોહ 14 થી 16 જાન્યુઆરી વચ્ચે શિમલામાં યોજાયો હતો. હિમાની મોર સોનીપતના લડસૌલીથી છે. તેણે દિલ્હી યુનિવર્સિટીથી ગ્રેજ્યુએશન કર્યું છે. તે અમેરિકામાં સ્પોર્ટ્સ મેનેજમેન્ટમાં માસ્ટર્સનો અભ્યાસ કરી રહી છે, તે એક ટેનિસ ખેલાડી રહી છે.
