જયપુરઃ રાજસ્થાનના ૧૫ વર્ષના તરવરિયા તોખાર જેવા બોલર આકાશ ચૌધરીએ એક ટ્વેન્ટી૨૦ મેચમાં એક એવો અનોખો રેકોર્ડ બનાવ્યો છે કે મેચ જોનાર પણ દંગ થઇ ગયા છે. આ બોલરે તેના ચાર ઓવરના બોલિંગ સ્પેલમાં એક પણ રન આપ્યા વિના સામેની ટીમના તમામ ૧૦ ખેલાડીઓને આઉટ કરીને અદ્ભુત રેકોર્ડ બનાવ્યો છે. અત્યાર સુધી કોઇ પણ બોલર રન આપ્યા વિના તમામ ૧૦ વિકેટ ઝડપી શક્યો નથી. અલબત્ત, સત્તાવાર ટૂર્નામેન્ટ ન હોવાથી આ રેકોર્ડની ક્રિકેટના વિક્રમોની સત્તાવાર બુકમાં તેની નોંધ કરાઇ નથી.
