ન્યૂ યોર્કમાં મેયરનાં ઘરે દિવાળીની ઉજવણી

ભારત સહિત વિશ્વભરમાં દિવાળીનો તહેવાર અત્યંત શ્રદ્ધાપૂર્વક ઉજવવામાં આવે છે. ન્યૂ યોર્ક સિટી મેયર એરિક એડમ્સે પણ પોતાના નિવાસસ્થાને વાર્ષિક દિવાળી ઉત્સવનું આયોજન કર્યું હતું. આ પ્રસંગે તેમણે લોકોને ભગવાન રામ, સીતા અને મહાત્મા ગાંધીના વિચારો આત્મસાત કરી બહેતર મનુષ્ય બનવા હાકલ કરી હતી. વિશ્વની વર્તમાન પરિસ્થિતિને અનુલક્ષીને તેમણે જણાવ્યું હતું કે દિવાળીનો તહેવાર આપણને દુનિયામાંથી અંધકાર મીંટાવી અજવાળું ફેલાવવાની પ્રેરણા પૂરી પાડે છે.