અમેરિકાના વિદાય લઇ રહેલા પ્રમુખ જો બાઇડેન અને નવનિર્વાચિત પ્રમુખ ડોનાલ્ડ ટ્રમ્પ ગયા બુધવારે ઓવલ ઓફિસમાં મળ્યા હતા. પ્રમુખપદની ચૂંટણી બાદ ટ્રમ્પની વોશિંગ્ટનની આ પહેલી મુલાકાત હતી, જેમાં તેમની સાથે એલન મસ્ક પણ જોડાયા હતા. ટ્રમ્પે ઓવલ ઓફિસમાં બુધવારે સવારે બાઇડેન સાથે મુલાકાત કરી હતી. ટ્રમ્પ 20 જાન્યુઆરી 2021ના રોજ વ્હાઇટ હાઉસ છોડયા પછી પહેલી વખત ઓવલ ઓફિસ પહોંચ્યા હતા. તેમણે સરળ સત્તાસોંપણી માટે બાઇડેનનો આભાર માન્યો હતો.
