લાદેનના પુત્રને પિતાના મોતનો બદલો લેવો છે

વોશિંગ્ટનઃ અલ કાયદાના પ્રમુખ રહેલા ઓસામા બિન લાદેનનો દીકરો હમ્ઝા પોતાના પિતાના મોતનો બદલો લેવા માગે છે. તે આતંકી સંગઠન અલ કાયદાને ફરીવાર મજબૂત કરી રહ્યો છે. આ દાવો અમેરિકન જાસૂસી એજન્સી એફબીઆઇના પૂર્વ એજન્ટ અલી સુફાને કર્યો છે. સુફાને અમેરિકામાં ૯/૧૧ના આતંકી હુમલા અને અલકાયદાના સંબંધોની તપાસમાં મહત્ત્વપૂર્ણ ફાળો આપ્યો હતો. સુફાને આ દાવો લાદેનના મોત બાદ તેના ત્યાંથી મળેલા પત્રોના આધારે કર્યો છે.