કેન્યા કોર્ટ દ્વારા શકમંદ અમેરિકી હત્યારાનું પ્રત્યર્પણ

નાઈરોબીઃ યુએસએમાં ગર્લફ્રેન્ડની હત્યાના આરોપી કેવિન કાંગેથેને ટ્રાયલ માટે અમેરિકા પરત મોકલી દેવાનો કેન્યાની કોર્ટે આદેશ આપ્યો છે. નવેમ્બર 2023માં નર્સ માર્ગારેટ એમબીટુના મોત માટે કાંગેથે વિરુદ્ધ માસાચ્યુસેટ્સ કોર્ટમાં ફર્સ્ટ ડીગ્રી મર્ડરના આરોપસર ટ્રાયલ ચાલશે.

બોસ્ટનના લોગાન એરપોર્ટના ગેરેજમાં કાંગેથેની કારમાં સંખ્યાબંધ ઈજા સાથે નર્સ માર્ગારેટનો મૃતદેહ મળી આવ્યો હતો. મૃતદેહ મળ્યાના આગલા દિવસે જ કાંગેથે લોગાનથી કેન્યા આવી પહોંચ્યો હતો. હત્યાના ત્રણ મહિના પછી તે કેન્યામાં હોવાની માહિતી મળી હતી. તેની ધરપકડ કરાયા પછી પણ તે નાસી છૂટ્યો હતો. પોલીસે ભારે શોધખોળ પછી તેને નાઈરોબીમાં સગાંનાં ઘેરથી ફરી ઝડપી લીધો હતો.