કોંગોમાં વિમાન તૂટી પડતાં ૨૫ પ્રવાસીનાં મોત

કિનશાસાઃ આફ્રિકી દેશ કોંગોના ગોમા શહેરમાં રવિવારે વિમાન દુર્ઘટનામાં ૨૩ પ્રવાસી અને બે ક્રૂ મેમ્બરનાં મૃત્યુ થયાના અહેવાલ છે. ઉત્તર કીવેના ગવર્નર જાજૂ કાસિવિતાએ આ અંગેની માહિતી આપતાં જણાવ્યું હતું કે એરપોર્ટ પરથી ઉડાન ભર્યાની ગણતરીના સમયમાં જ વિમાન લાપતા થઈ માપૈંડોમાં તૂટી પડ્યું હતું. વિમાન તૂટી પડ્યા પછી સ્થાનિક લોકો વિમાનનો કાટમાળ પણ ઉઠાવી ગયા હતા. કોંગોમાં વિમાનની યોગ્ય જાળવણી ન થતી હોવાથી વિમાન દુર્ઘટનાઓ સર્જાતી રહે છે. ખાનગી કંપની બિઝી બીકેના આ વિમાને ૨૫૦ કિ.મી.નું અંતર કાપ્યું હતું ત્યાં જ તૂટી ગયું હતું.