બાળકોના હત્યારાનું લોકોએ માર મારીને મોત નીપજાવ્યું

નાઈરોબીઃ પશ્ચિમ કેન્યાના બુંગોમા ટાઉનમાં બાળકોના ૨૦ વર્ષીય સીરીયલ કિલર માસ્ટેન વન્જાલાનું લોકોના ટોળાએ માર મારીને મૃત્યુ નીપજાવ્યું હતું. તેણે પાંચ વર્ષના ગાળામાં દસથી વધુ બાળકોની હત્યા કરી હોવાનું કબૂલ્યું હતું. થોડા દિવસ અગાઉ તે પોલીસ કસ્ટડીમાંથી ભાગી છૂટ્યો હતો. સત્તાવાળાઓએ તેને શોધવા વિસ્તૃત તપાસ હાથ ધરી હતી. દરમિયાન, તે બુંગોમાના એક ઘરમાંથી મળી આવતા લોકોએ તેના પર હુમલો કર્યો હતો. તેણે બાળકોને ડ્ર્ગ્સ આપવાનું અને કેટલાંક કિસ્સામાં બાળકોનું લોહી પીધું હોવાનું પણ સ્વીકાર્યું હતું.તે તેના માતાપિતાના ઘરે પાછો ફર્યો હોવાનું જણાતા પડોશીઓએ તેને ઝડપી લીધો હતો.