ગાંધીધામમાં અથડામણઃ પ્રદેશ કોંગ્રેસ મંત્રી હાજી જુમા રાયમાની કાર ઉથલાવાઈ

ગાંધીધામઃ સુંદરપુરી વિસ્તારમાં ૨૪મી નવેમ્બરે કાર પાર્કિંગ જેવી સામાન્ય બાબતમાં બે જૂથ આમને સામને આવી જતાં બોલાચાલી બાદ મામલો બિચક્યો હતો અને વિસ્તાર પોલીસ છાવણીમાં ફેરવાયો હતો. મામલો એ હદે તોફાનમાં ફેરવાયો હતો કે ટોળાએ કોંગ્રેસ પ્રદેશ મંત્રીની કાર ઉથલાવી નાંખી હતી અને કાચ ફોડી નાંખ્યા હતાં. જોકે આ ઘટના સમયે પ્રદેશ કોંગ્રેસના મંત્રી હાજી જુમા રાયમા કારમાં ન હતા. તેમના પુત્ર કારમાં હતા જોકે તેમને ઈજા પહોંચી ન હોવાનું પોલીસે જણાવ્યું હતું. આ ઘટનામાં ત્રણ લોકો ઘાયલ થયા હતા જેમને સારવાર માટે હોસ્પિટલે ખસેડવામાં આવ્યા હતા. રામબાગ હોસ્પિટલના ફરજ પરના તબીબ
ડો. મકવાણાએ ત્રણને માથામાં સામાન્ય ઈજા થયાનું સર્ટિફિકેટ આપ્યું હતું. બીજા દિવસે આ વિસ્તારમાં સ્થિતિ કાબૂમાં હોવાનું પોલીસે જણાવ્યું હતું.