કેરાઃ તાજેતરમાં યોજાયેલા સમગ્ર બ્રિટન, યુરોપમાં અગ્રીમ તેવી ગુજરાતી સંસ્થા કચ્છ લેવા પટેલ કોમ્યુનિટી યુ.કે.ના પ્રમુખપદે મૂળ બળદિયાના માવજી ધનજી જાદવા વેકરિયા (કોન્ફોર્ડ)ની પસંદગી સતત બીજી વાર સર્વાનુમતે કરાઈ છે તે સાથે કુલ ૪૭ સભ્યો પણ નિમાયા છે. નોર્થહોલ્ટ (લંડન) ખાતે ૧૮ એકરની જગ્યા ધરાવતા કચ્છના ૩૫,૦૦૦ લેવા પટેલોના સંગેઠનને ગત ટર્મથી સક્રિય કરી વિકાસમાં ઝડપ લાવવા બદલ વર્તમાન પ્રમુખને સર્વાનુમતે પુનઃ પસંદ કરાયા છે. આ પ્રસંગે જ્ઞાતિજનો હાજર રહ્યા હતા. પ્રમુખે ધન્યવાદ પ્રસ્તાવ સાથે આગામી વિકાસકાર્યો, સુવિધાઓની માહિતી આપી હતી.
