ભૂજઃ યુકેની ટ્રિનિટી વર્લ્ડ યુનિવર્સિટીએ કોર્પોરેટ સેવા અને સામાજિક કાર્યો માટે મુંબઈના નાગજી કેશવજી રીટાને ડોક્ટર ઓફ ફિલોસોફીની માનદ્ પદવી અને ગોલ્ડમેડલથી સન્માનિત કર્યા છે. આ યુનિવર્સિટીનું એશિયાનું વડું મથક કોલકાતામાં છે. આથી કોલકાતામાં ૧ જુલાઈએ યોજાયેલા સમારોહમાં વીકેએસ યુનિવર્સિટીના ભૂતપૂર્વ વાઇસ ચાન્સેલર પ્રો. ડો. સુરેશપ્રસાદ સિંઘના હસ્તે આ પદવી-સર્ટિફિકેટ નાગજી કેશવજી રીટાને એનાયત કરાયા હતા. ડો. નાગજી રીટા બોમ્બે સ્ટોક એક્સચેન્જના ગવર્નિંગ બોર્ડના ડાયરેક્ટર તરીકે કાર્યરતા હતા. તેઓ ઇન્વેન્ચર ગ્રોથ એન્ડ સિક્યુરિટીઝ લિ. નામની લિસ્ટેડ કંપનીના અને ફોર્ચ્યુન ગ્રૂપના ચેરમેન છે. તેઓ વાગડ ગુરુકુળના પણ ચેરમેન છે.
