વિદેશવાસી પરિવારનું ભૂજમાં સેવાકાર્ય

કેરા (ભૂજ)ઃભૂજની માતુશ્રી મેઘબાઇ પ્રેમજી જેઠા લેઉવા પટેલ હોસ્પિટલમાં વિદેશવાસી વતનીઓએ મેડિકલ સેવા વધુ સુદ્રઢ બનાવવા દાનનો ધોધ વહાવ્યો છે. આ હોસ્પિટલ દર્દીઓના ભારે ધસારાને લઇને સતત વ્યસ્ત રહે છે. અહીં સોનોગ્રાફી માટેનું આધુનિક મશીન માધાપરના વતની અને લંડન-નાઇરોબીવાસી પરિવારે રૂ. ૩૦ લાખના દાનથી વસાવી આપ્યું છે. આ નિમિત્તે અગ્રણી અરજણભાઇ પિંડોરિયાએ તમામ પ્રકારની આરોગ્યસેવાઓનો વ્યાપ વધારી ગુણવત્તા વધુ સારી બનાવવા પર ભાર મુક્યો હતો. તેમણે આટલું માતબર દાન આપનાર વતનીઓ પ્રત્યે આભારની લાગણી વ્યક્ત કરી હતી. દાતા દેવજીભાઇ શામજી વોરાએ ધર્મપત્ની સ્વ. વેલીબાઇ વોરાની પૂણ્યસ્મૃતિમાં સમગ્ર પરિવાર તરફથી રૂ. ૩૦ લાખ એજ્યુકેશન અને મેડિકલ ટ્રસ્ટને અર્પણ કર્યા હતા.