સ્વામીનારાયણ મંદિરની શોભાયાત્રામાં ૧૫ રાઉન્ડ ફાયરિંગ

ભૂજઃ કુંદનપુરમાં મહિલાઓના સ્વામીનારાયણ મંદિરના પ્રાણપ્રતિષ્ઠા મહોત્સવ નિમિત્તે હરિભક્તોએ ઉત્સાહમાં આવીને ૧૫ રાઉન્ડ ફાયરિંગ કર્યું હતું. ગત સપ્તાહે મંદિરની શોભાયાત્રામાં કપિલકોટ ગ્રાઉન્ડ નજીક પોલીસની હાજરીમાં જ કેટલાક હરિભક્તોએ ઉત્સાહમાં આવીને આ ફાયરિંગ કર્યું હતું. સંપ્રદાયના વડા સહિત ઘણા સંતોની હાજરીમાં હવામાં થયેલા ગોળીબારને અટકાવવાનો કોઈએ પ્રયાસ પણ નહોતો કર્યો. નજરે જોનારા લોકોના જણાવ્યાનુસાર ડબલ નાળચાવાળી બે બંદૂક તથા એક રિવોલ્વર છેક દહીંસરા રોડ સુધી હવામાં ફાયરિંગ કરવામાં આવ્યું હતું.