હીરાદલાલ રૂ. ૩૦ કરોડના પોલિશ્ડ હીરા સાથે ફરાર

સુરતઃ મુંબઈ અને સુરત હીરા બજાર સાથે સંકળાયેલો એક દલાલ તાજેતરમાં રૂ. ૩૦ કરોડની કિંમતનો પોલિશ્ડ માલ લઈને ફરાર થતાં કારખાનેદાર અને વેપારીઓ ચિતામાં છે. હીરા દલાલે વીસ-પચ્ચીસ જણા પાસેથી વેચવા માટે માલ મેળવ્યો હોવાની બજારમાં ચર્ચા છે. વર્ષોથી કામકાજ કરતો હોવાને કારણે તેની બજારમાં સારી શાખ હતી અને વિશ્વાસ પર સૌ તેને માલ વેચવા માટે આપતાં હતાં. વેચવા માટે માલ લીધા પછી દલાલ હિસાબ પણ લખાવી દેતો હોવાનું કહેવાય છે.