આણંદઃ ચરોતર મોટી સત્તાવીસ પાટીદાર કેળવણી મંડળની કારોબારી સભા ૨૬મી જૂને ચારુસેટ કેમ્પસ-ચાંગામાં કેળવણી મંડળના પ્રમુખ સુરેન્દ્રભાઇ એમ. પટેલના અધ્યક્ષ સ્થાને યોજાઇ હતી. આ કારોબારીમાં ચકલાસીના અને અગ્રણી NRI દાતા રમણભાઈ શનાભાઇ પટેલે ચારુસેટ હોસ્પિટલને રૂ. એક કરોડનું સંકલ્પ દાન જાહેર કર્યું હતું. આ સંકલ્પ દાન વિશે માહિતી આપતાં માતૃસંસ્થા-કેળવણી મંડળ-CHRFના માનદ મંત્રી ડો. એમ. સી. પટેલે જણાવ્યુ હતું કે સંસ્થાને રૂ. એક કરોડથી વધુ દાન આપનાર ૪૦થી વધુ દાતાઓ છે. હવે પછીથી આ દાન ભાસ્કર એવોર્ડી ક્લબમાં રમણભાઈ શનાભાઇ પટેલનો ઉમેરો થવા જઈ રહ્યો છે. સંસ્થા વતી તેમનો આભાર વ્યક્ત કરવામાં આવ્યો હતો.
