ક્રિકેટ પીચ - ગ્રાઉન્ડના નિષ્ણાત ક્યુરેટર રસિક મકવાણાનું નિધન

રાજકોટઃ સૌરાષ્ટ્ર ક્રિકેટ એસોસિયેશનના ક્રિકેટ પીચ અને ગ્રાઉન્ડનાં નિષ્ણાત ક્યુરેટર રસિક મકવાણાનું ૧૩મી જુલાઈએ રાજકોટમાં નિધન થયું હતું. તેઓ પીચ ક્યુરેટર અને ગ્રાઉન્ડમેન હતાં. રસિક મકવાણાના યોગદાન થકી રાજકોટ સહિત સૌરાષ્ટ્રના ઘણા ક્રિકેટરો ઈન્ટરનેશનલ કક્ષાએ પહોંચી શક્યા છે. રસિક મકવાણાનો એક પુત્ર કમલેશ મકવાણા સૌરાષ્ટ્રની હાલની રણજી ટ્રોફી વિજેતા ટીમમાં સામેલ છે. રસિક મકવાણાના નિધનથી ક્રિકેટ જગતમાં શોક વ્યાપી ગયો છે.