પાક.માં સૌરાષ્ટ્રની ૯૦૦ બોટ જપ્તઃ ૪૭૨થી વધુ બંધક

જામનગરઃ પાકિસ્તાન મરીન સિક્યુરિટી એજન્સી દ્વારા વર્ષોથી ભારતીય બોટ અને માછીમારોના અપહરણ થાય છે. હાલમાં જામનગર, દ્વારકા, પોરબંદર સહિત સૌરાષ્ટ્રની ૯૦૦થી વધુ બોટના કાનૂની દસ્તાવેજ ઠીક ન હોવાના કારણે તે બોટ ધૂળ ખાઇ રહી છે તેમજ અબજો રૂપિયાનો વેપાર કરતા ૫૫૪થી વધુ માછીમારો જેલમાં બંધ છે. તેમને છોડાવવા હાલમાં તંત્ર ધ્યાન ન આપતું હોવાની ફરિયાદ છે. માછીમારોનું એક પ્રતિનિધિમંડળ તાજેતરમાં પાકિસ્તાન ગયું હતું જ્યાં બોટનું નિરીક્ષણ કર્યું હતું અને પાક. મરીનના અધિકારીઓ સાથે બેઠક યોજી હતી. આ અંગે તમામ માહિતીઓ નેશનલ ફિશ વર્કસ ફોરમના સેક્રેટરી મનીષભાઇ લોઢાણીએ તાજેતરમાં આપી હતી.