મોરારિબાપુએ વેક્સિનનો બીજો ડોઝ લીધો

પૂજ્ય મોરારિબાપુએ સોમવારે તલગાજરડા પ્રાઇમરી હેલ્થ પર જઇને કોરોના વેક્સિનનો બીજો ડોઝ લીધો હતો અને બધા જ લોકો રસી લઇ લે અને પોતાને વધુ સુરક્ષિત કરે તેવો અનુરોધ કર્યો હતો. કોરોનાનું સંક્રમણ સતત વધી રહ્યું છે ત્યારે લોકોએ ઘરમાં જ રહેવું જોઇએ. તેમજ કોરોનાના નીતિનિયમોનું ચુસ્તપણે પાલન કરવું જોઇએ એમ પૂ. મોરારિબાપુએ સહુને અપીલ કરી છે. કોરોનાની વર્તમાન પરિસ્થિતિને જોતા તલગાજરડા ખાતે શ્રી ચિત્રફૂટ ધામ, પ્રભુ પ્રસાદ અને કૈલાસ ગુરુકૂળ મુલાકાતીઓ માટે અચોક્કસ મુદત માટે બંધ કરવામાં આવેલ છે.