રાજકોટ શહેરમાં પ્રથમ વખત અશાંત ધારો લાગુ

રાજકોટઃ શહેરમાં પ્રથમ વખત અશાંતધારો લાગુ થયો છે. રાજ્ય સરકારે રેસકોર્સ અને એરપોર્ટ વિસ્તાર પાસેથી ૨૮ પોશ સોસાયટીમાં ૧૫મી જાન્યુઆરીએ અશાંતધારો લાગુ કરતાં હવે આ વિસ્તારમાં મિલકત ટ્રાન્સફર કરતાં પહેલા કલેક્ટરની મંજૂરી ફરજિયાત લેવી પડશે. રાજકોટ અધિક કલેક્ટર પરિમલ પંડ્યાએ જણાવ્યું હતું કે, છેલ્લા ૫ વર્ષમાં આ ૧૬ ટકા મિલકતોના સોદા ઇન્ટરકાસ્ટ થયા છે એટલે કે એક કાસ્ટની વ્યક્તિએ બીજી કાસ્ટની વ્યક્તિને મિલકત વેચી છે. તેથી ભવિષ્યમાં આ મુદ્દે કોઈ અશાંતિ ન ફેલાય તેથી આ નિર્ણય લેવાયો છે.