ભાવનગરઃ કાશ્મીરમાં જમ્મુતાવી ખાતે તાજેતરમાં યોજાયેલી વિશ્વ યોગસ્પર્ધામાં ગુજરાતની ટીમે ૧૯ મેડલ પ્રાપ્ત કર્યા હતા જેમાંથી ૧૧ મેડલ તો ભાવનગરના ખેલાડીઓએ જ મેળવ્યા હતા.
અગાઉ યોજાયેલી રાષ્ટ્રીય કક્ષાની યોગસ્પર્ધામાં ગુજરાતના ૩૩ ખેલાડીઓએ ઉત્તમ દેખાવ કરીને ૧૬ ગોલ્ડ, ૮ સિલ્વર અને ૧૨ બ્રોન્ઝ મેડલ સાથે કુલ ૩૬ મેડલ પ્રાપ્ત કર્યાં હતા અને તમામ વિશ્વયોગ સ્પર્ધામાં પસંદગી પામ્યા હતા. જેમાં ખેલાડીઓએ ઉત્તમ દેખાવ કરીને કુલ મળીને ૧૯ મેડલ પ્રાપ્ત કર્યા હતા. જેમાં ભાવનગરના ૧૪ ખેલાડીઓએ પાંચ ગોલ્ડ મેડલ, ત્રણ સિલ્વર અને ત્રણ બ્રોન્ઝ મળી કુલ ૧૧ મેડલ મેળવ્યા હતા. ટીમના મેનેજર તરીકે ભાવનગરના ડોલીબહેન ગયા હતા. સૌથી વધુ મેડલ ભાવનગર લાઈફ મિશનના કાર્યકર કુ. જાનવી મહેતાને મળ્યા હતા.
